Ауыл хәбәрҙәре

Ҡатын-ҡыҙҙар ойошмаһы етәксеһе Дамира Шайхрахман ҡыҙы, мәктәп директорының уҡыу-уҡытыу буйынса урынбаҫары Ләйлә Ғилметдин ҡыҙы китапхана, мәҙәниәт хеҙмәткәрҙәрен ҡотлап, Рәхмәт хаттары тапшырҙы.

Ишембай ҡалаһының үҙәкләштерелгән китапханалар системаһы директоры Айгөл Зиннәтулла ҡыҙы китапханала үткән сараларҙа, конкурстарҙа әүҙем ҡатнашыусыларға, китап уҡырға яратыусыларға Грамота тапшырҙы, йылы теләктәрен еткерҙе.

Ҡотлауҙарға шулай уҡ китапханала эшләп киткән Люциә Билалова ла ҡушылып, әсәһе Мәрйәм Мусина тураһында, китапханала ҡырҡ йылдан ашыу эшләгән осор хаҡында һөйләп үтте.

Байрам сараһында балалар баҡсаһы тәрбиәләнеүселәре, мәктәп уҡыусылары, үҙешмәкәр артистар сығыш яһаны. Ветеран-уҡытыусы Аза Миниәхмәт ҡыҙы китап уҡыуҙың мөһимлеге тураһында иҫкә төшөрҙө.

Китапханабыҙҙа артабан да шаулап-гөрләп төрлө темаларға саралар уҙғарылып, китап уҡыусылар йөрөп торһон.

Фото: https://vk.com/id418416936