+24 °С
Ямғыр
Мәҙәниәт
11 Ноябрь 2024, 10:00
Әсәйҙәргә
.
Яратығыҙ әсәйҙәрегеҙҙе,
Ул һоҡланып һеҙгә ҡараһа.
Нурҙар балҡығанда күҙҙәрендә,
"Балам"-тиеп һиңә йылмайһа.
Яратығыҙ,йәлләмәгеҙ бер үк!
Уға булған,ҡайнар хистәрҙе.
"Балам"- тиеп йәшәй,һәр ваҡытта,
Йоҡлай алмай сыға кистәрен.
Әсәйҙәр бит балалары өсөн,
Барыһында ғәфү итәләр.
Бер -аҙ ғына сирләп китһәктә,
Ваҡыт табып улар киләләр.
Яратығыҙ әсәйҙәрегеҙҙе,
Тере саҡта ҡайтып йөрөгөҙ.
Улар беҙҙең янда мәңге түгел,
Күптәребеҙ хәҙер әсәйһеҙ.
