Ғаилә ныҡлығы тамырынан беленә

Ғаилә йылы сиктәрендә бөгөн, 22 апрель, Кинйәбулат ауылы мәҙәниәт йортонда күп балалы йәш ғаиләләрҙе тәбрикләү кисәһе уҙҙы. Сәхнә түренә береһенән береһе татыу, матур, башҡаларға өлгө булырҙай ғаиләләр күтәрелде. Байғужа ауыл биләмәһе хакимиәте башлығы Салауат Йосопов уларҙы тәбрикләп, изге теләктәр теләне, Маҡтау ҡағыҙы һәм иҫтәлекле бүләктәр тапшырҙы.

- Ғаилә – ул йылы усаҡ, яҡтылыҡ һәм берҙәмлек. Һәр берегеҙгә именлек, бәхет теләйем! Балаларыбыҙ иҫән-һау, тәүфиҡлы шәхестәр булып үҫһен,  милләтебеҙҙең  киләсәгәге ышаныслы ҡулдарҙа булһын! - тине Салауат Дамир улы. 

Мәҙәниәт йорто хеҙмәткәрҙәре лә ғаиләләргә бағыусыларҙан бүләктәр тапшырып һөйөндөрҙө.

Кисәне иһә байрам концерты дауам итте. Аҙаҡ ғаиләләр ҙур табын артында йыйылышып, рәхәтләнеп аралашты.

Сара "Яратып, яратылып йәшәгеҙ!" тигән теләктә тамамланды.

Тулы мәҡәләне гәзиттең киләһе һанында уҡығыҙ.

Автор фотолары һәм видеоһы.