Гран-приға Биксән һылыуы лайыҡ булды

«Һылыуҡай» конкурсының матур яҙ айына тура килеүе юҡҡа түгелдер. Гүзәл заттар ҙа бит донъяға, тәбиғәткә һулыш биреүсе яҙҙай тормошобоҙҙоң йәме, матурлығы, кешелеккә йәшәү биреүсе.

Бәйге көсөргәнешле үтте. Жюри ағзаларына иң һылыу ҡыҙҙы һайлауы еңел бирелмәне.

Шулай итеп гран-прины Биксән ауылынан Диана Мырҙагалина яуланы. Бер һылыу ҙа бүләкһеҙ һәм номинацияһыҙ ҡалманы. Әйткәндәй, «Торатау»гәзите төркөмөндә ойошторолған интернет конкурста Гүзәлиә Ғалина еңеү яуланы.

Ҡыҙ кеше - илаһи зат та, нурлы гөл дә, наҙлы ҡояш та, саф шишмә лә, шуға күрә лә «Һылыуҡай» гүзәллек бәйгеһе күңелдәргә дәрт өҫтәне, яҙ кәйефе бүләк итте.

Бәйге тураһында тулы мәғлүмәтте гәзитебеҙҙең алдағы һандарында уҡығыҙ.

Автор фотоһы һәм видеолары.