Рәхмәтлемен, мине ярты һүҙҙән...

Рәхмәтлемен, мине ярты һүҙҙән,
Аңлай алған һөйгән йәремә ...
Ул ғына бит һалҡын көндәремдә,
Йылы өрә минең йәнемә ...

Бәхетлемен, ул янымда саҡта ,
Һиҙелмәйҙер булған кәртәләр ...
Тормош ауырлығы яндарымдан,
Бер-бер артлы үтеп китәләр...

Һөйөнәмен уның ҡараштары ,
Көләс йөҙө , айҙай балҡыһа ...
Таянысым , ышанысым минең ,
Әгәр яҙмыш киҫкен боролһа ...

Ҡулдарының йылылығын тоям,
Ҡайҙа ғына үҙем булһам да ,
Һиҙәм уның йөрәк борсолоуын ,
Ҡайтыр ерҙән аҙыраҡ һуңлаһам...

Бер йән булып тибә ике йөрәк,
Һөйөү хисен һаҡлай алғанда ...
Мин бәхетле уның яндарында ,
Мәңге бергә булып ҡалғанға ...

Рәхмәтем ҙур , күпһенмәһен Хоҙай ,
Өмөт итмәйем башҡа байлыҡҡа ...
Пар аҡҡоштар кеүек һөйөнөшөп,
Йәшәйек әле иҫән -һаулыҡта ...

Гөлназ Ғиниәтуллина фотоһы