+24 °С
Ямғыр
Мәҙәниәт
7 Март 2023, 10:06
«Тормош буйлап китап менән»
Бөгөн, 8 март байрамы алдынан, ҡаланың үҙәк китапханаһында яҙыусы, БР Яҙыусылар союзы рәйесе Айгиз Баймөхәмәтов, БР халыҡ яҙыусыһы, драматург Таңсулпан Ғарипова, шағирә, яҙыусы, тәржемәсе Гөлнур Яҡупова, БР атҡаҙанған сауҙа хеҙмәткәре, башҡорт аш-һыу пропагандисы Индүсә Арыҫланова һәм Зәйнәб Биишева исемендәге Башҡортостан «Китап» нәшриәте директоры Эльмира Хәйретдинова менән осрашыу үтте.
«Тормош буйлап китап менән»
- Зәйнәб Биишева исемендәге Башҡортостан «Китап» нәшриәте Яҙыусылар союзы менән берлектә «Тормош буйлап китап менән» проектын ойошторҙо. Был сараны беҙ Ишембай районынан башларға булдыҡ, - тип ихласты уртаҡлашты Эльмира Иршат ҡыҙы. – Проект сиктәрендә китап һөйөүселәргә авторҙар менән яҡындан танышыу мөмкинлеге бар. Нәшриәт художестволы әҫәрҙәрҙән, фәнни-популяр һәм балалар өсөн торған китаптарҙан күргәҙмә ойоштора. Яҙыусылар менән бындай осрашыуҙарҙы беҙ башҡа райондарҙа ла йәйелдерергә ниәтләйбеҙ.
Автор фотолары һәм видеоһы
«Тормош буйлап китап менән»
