Бөтә яңылыҡтар
Мәҙәниәт
14 Ноябрь , 15:00

Һеҙҙә лә шулаймы ул?

.

Һеҙҙә лә шулаймы ул?
Һеҙҙә лә шулаймы ул?

— Машина ишеген тағы
Шап иттереп ябаһың!
— Бәйләнмәле юҡҡа-барға,
Ҡайҙан сәбәп табаһың.

— Тәҙерәгә ҡулың менән
Тотонма тип йөҙ әйттем!
— Ә нисек һуң тотонайым,
Аяҡ бит етмәй, ҡартым.

— Аяғыңды ҡағып ултыр,
Коврикка һыу йыйыла!
— Үҙеңдекен башта ҡара,
Һинән бит ҡом ҡойола.

— Алда торалармы әллә,
Сигналить итте буғай?
— Пажалысты, тыныс ултыр,
Ул минең таныш малай.

— Аяҡты көҙән йыйыра,
Тормозить итеп барам.
— 80-дән дә арттырмайым,
Спидомет(ы)рға ҡара.

— Яңылыш һулға боролдоң,
Кәрәк ине бит уңға.
— Кирпич тора. Һинең менән
Мәңге сыҡмаҫлыҡ юлға.

— Көҙгөнө тейем ҡаплама,
Сиденйәңде төрт артҡа!
— Төҙ ултырырға яратам,
Әйтерҙәр: ай-һай, ятҡан!

— Уҙһын әле, ашыҡма, тим,
Сабыр ғына бар, түҙем!
— Туҡтайһыңмы өйрәтеүҙән,
Мә рулгә ултыр үҙең!

— Ышҡылып үтеп китәләр,
Әллә юлмы тарыраҡ?
— Доғаларыңды уҡы ла
Ултыр алдыңа ҡарап.

— Килгән һайын биш йөҙ ҙә мең,
Бензинға аҡса әрәм.
— Һыуға йөрөмәй машина,
Әйҙә, ат алып бирәм.

— Бер аҙнанан Өфөгә тим,
Барырбыҙ әле ҡабат.
— Ҡолаҡ итемде кимерҙең,
Барырһың такси яллап.


Фото: https://unsplash.com/

Автор:Ирина Хәмидуллина.
Читайте нас в