Бөтә яңылыҡтар
Мәҙәниәт
7 Ноябрь , 22:00

ҠӘҘЕРЕН БЕЛ, ҠӘҘЕРҺЕҘЛӘМӘ

.

Яҙмыштарҙан ситләп үтеүҙәр юҡ —
Үҙеңдәген ситтән эҙләмә.
Һиңә йәнен фиҙа ҡылғандарҙың
Ҡәҙерен бел, ҡәҙерһеҙләмә.

Йөрәк өсөн күп тә кәрәк түгел,
Күңел тула, күҙҙәр йәшләнә,
Һөйгәнеңдең күҙ йәше лә бүләк —
Ҡәҙерен бел, ҡәҙерһеҙләмә.

Беҙгә ғүмер үтер өсөн килә,
Үткәндәрҙән бәхет эҙләмә,
Киләсәккә барыр көндәреңдең
Ҡәҙерен бел, ҡәҙерһеҙләмә.

 

Фото: https://unsplash.com/

Автор:Назар НӘЖМИ
Читайте нас в