+24 °С
Ямғыр
Мәҙәниәт
24 Октябрь 2021, 07:42
Эй, яҙмышым, һиңә рәхмәтлемен...
.
Эй, яҙмышым, һиңә рәхмәтлемен...
Эй, яҙмышым, һиңә рәхмәтлемен:
Ауырлыҡтар бирҙең – түҙерлек,
Ҡайғылар ҙа бирҙең – күтәрерлек,
Көс-сабырлыҡ бирҙең етерлек.
Эй, яҙмышым, һиңә рәхмәтлемен:
Һатлыҡ “дуҫтар” китеп ҡотҡарҙы,
Ҡәҙерҙәрен беләм, хөрмәт итәм
Һынау үткән тоғро дуҫтарҙы.
Эй, яҙмышым, һиңә рәхмәтлемен:
Йәлләмәйсә бирҙең сабырлыҡ,
Күҙ йәштәрен йотоп, кешеләргә
Йылмайырлыҡ көстәр табырлыҡ.
Эй, яҙмышым, һиңә рәхмәтлемен:
Мөхәббәтте бирҙең – ғүмерлек.
Яҡын кешеләрең янда булһа,
Тормош һынауҙары түҙерлек.
Эй, яҙмышым, һиңә рәхмәтлемен:
Һынауҙарға ҡаршы тор(а)алам,
Һәр бер яңы көнгә һөйөп бағам,
Һәр бер көндән яңы йыр алам.
Эй, яҙмышым, һиңә рәхмәтлемен…
Фото: https://pixabay.com/ru
