+24 °С
Дождь
Мәҙәниәт
20 Августа 2021, 11:05
Викторина еңеүселәрен ҡотлайбыҙ!
«Торатау» гәзитенең 51-се һанында Башҡортостандың халыҡ яҙыусыһы, Салауат Юлаев исемендәге дәүләт премияһы лауреаты, Башҡорт АССР-ының атҡаҙанған мәҙәниәт хеҙмәткәре, «Ватан алдында күрһәткән хеҙмәттәре өсөн» һәм Салауат Юлаев ордендары кавалеры Мусин Ноғман Сөләймән улына 90 йәш тулыу уңайынан Үҙәк район китапханаһы менән редакциябыҙ берлегендә викторина ойошторолғайны. Ошо көндәрҙә уның һөҙөмтәләре буйынса еңеүселәрҙе билдәләп үттек.
Викторина еңеүселәрен ҡотлайбыҙ!
Башҡорт әҙәбиәте үҫешенә тос өлөш индергән, прозала үҙ стилен һәм идеяһын булдырған, кеше һәм тәбиғәт мөнәсәбәте проблемаһын даими яҡтыртҡан әҙиптең тормошона һәм ижадына бағышланған сарала ҡатнашыусыларҙан Гүзәлиә Батыршина менән Рәшиҙә Вәлиева беренсе урынға лайыҡ булды. Уларҙың икеһенең дә – 100-әр балл. Икенсе урын Гөлнара Вәлиеваға (93 балл), Роза Ғүмәроваға (98 балл), Светлана Кәримоваға (96 балл), Гөлдәр Йәрмөхәмәтоваға (93 балл) тәғәйенләнде. Өсөнсө урында – Наилә Байбулдина (88 балл), Илнур Ғөбәйҙуллин (85 балл), Гөлмирә Ғөбәйҙуллина (85 балл), Рәйлә Ибатуллина (83 балл), Юнир Тимербулатов (83 балл), Алһыу Хәмитова (88 балл).
Викторинала еңеүселәрҙе һәм ҡатнашыусыларҙы китапхананың хеҙмәтләндереү бүлеге мөдире Минзәлә Мырҙабаева китаптар менән бүләкләһә, беҙ үҙ сиратыбыҙҙа, «Торатау» гәзите исеменән Маҡтау грамоталары, дипломдар тапшырып үттек.
Районыбыҙҙың мәҙәниәтен үҫтереүҙә, яҡташ яҙыусыларыбыҙҙың ижадын пропагандалауҙа әүҙем ҡатнашыусыларға рәхмәтебеҙҙе еткереп, ҙур уңыштар теләйбеҙ. Киләсәктә лә ошо юҫыҡта бергәләп эшләрбеҙ, тигән ышаныста ҡалабыҙ.
Автор фотолары.
Викторина еңеүселәрен ҡотлайбыҙ!
