+28 °С
Болотло
Мәҙәниәт
26 Июль 2021, 18:42
ӘСӘЛӘРҘЕҢ БЕЛӘЙЕК ҠӘҘЕРЕН
.
ӘСӘЛӘРҘЕҢ БЕЛӘЙЕК ҠӘҘЕРЕН
Бала үҫеп еткәс ситкә китә,
Әсә көтә һәр көн хәбәрен.
Бары биш һүҙ етә әсә өсөн:
“Мин иҫән-һау. Нисек хәлдәрең?”
Оҙағыраҡ хәбәр килмәй торһа,
Урамдарҙы ҡат-ҡат әйләнер.
Беҙ һорарға ваҡыт табабыҙмы:
“Әсәй бәғрем,нисек хәлдәрең?”
Хәбәр бирәйек ғәзиз әсәйҙәргә,
Иртә, кисен, хатта төндәрен.
Һәм өндәшәйек йомшаҡ тауыш менән:
“Һаумы Әсәй. Нисек хәлдәрең?”
Мәңгелеккә киткәс теләһәк тә,
Белеп булмай икән хәлдәрен.
Ваҡыт табып, әйтәйек бары биш һүҙ:
“Мин иҫән-сау. Нисек хәлдәрең?"
Фото: https://pixabay.com/ru
