Халыҡ йәрминкәгә сыҡты

9 сентябрь - Һайлауҙар көнөндә Үрге Әрмет мәҙәниәт йорто алдында “Алтын көҙҙөң мул уңышы” тип аталған йәрминкә ойошторолдо. Нимә генә юҡ ине унда! Йәшелсә, ҡайнатма, һөт ризыҡтары, йомортҡа, бешерелгән әйберҙәр... Мал тотмаған оло йәштәге ауылдаштар үҙҙәре теләгән әйберҙе һатып ала алһа, балалар бешкән ризыҡтар ашап кинәнде.

Башланғыс кластар уҡытыусыһы Рәхимова Рәмиҙәнең йәшелсә, емеш-еләктән оҫта итеп эшләгән һындары өҫтәлдәрҙе биҙәне.