Бөтә яңылыҡтар
Мәҙәниәт
29 Август 2018, 02:00

Урман-бишҡаҙаҡтар Сөмбөлә байрамына йыйылды

Баҡсала үҫкән мул уңышлы еләк-емештәрҙән һәм йәшелсәләрҙән төрлө йәнлектәр, сәскәләр һәм башҡа һындар эшләп күргәҙмә ойошторолдо.

Бөгөн Урман-Бишҡаҙаҡ мәҙәниәт йортонда ололар һәм бәләкәстәр өсөн Сөмбөлә байрамы уҙҙы.

Баҡсала үҫкән мул уңышлы еләк-емештәрҙән һәм йәшелсәләрҙән төрлө йәнлектәр, сәскәләр һәм башҡа һындар эшләп күргәҙмә ойошторолдо. Йәшелсә-емештәр шулай уҡ һатыуға ла сығарылды. Был йәһәттән иң әүҙем ағинәйебеҙ Фәниә апай Рәшитова булып сыҡты. Ул үҙе үҫтергән бәрәңге, һарымһаҡ, помидор, кишер, сөгөлдөр, алма, сливаларын алып сыҡҡайны. Ағинәйебеҙҙең үҙ ҡулдары менән үҫтергән мул уңышты ауылдаштар ихлас һатып алдылар.


Бигерәк тә балаларға оҡшаны Сөмбөлә байрамы: күҙҙең йәмен алып торған емеш-еләктәрҙең төрлөһөн ашап
кинәнде улар. Ҡыҙҙар-малайҙар өсөн күңелле уйындар ҙа уйнатылды.
Читайте нас в