Халыҡ-ара ҡатын-ҡыҙҙар көнө уңайынан Урман-Бишҡаҙаҡ ауылы мәҙәниәт йортонда ял кисәһе үтте. Ауылдың уңған гүзәл заттары туҡмас ҡырҡыу, бәрәңге әрсеү, йыр-таҡмаҡ әйтеүҙә көс һынашты.
Венера Ғәлиева менән Миниса Искәндәрова туҡмасты иң шәп киҫеүселәр булһа, Фәнүзә Әхмәтова менән Сәлимә Сафина туҡмасты оҫта йәйеүселәр булараҡ танылды.
Байрам кисәһе күңелле йыр-бейеүҙәр менән оҙатылып, сәй табыны менән тамамланды.