+13 °С
Болотло
Бөтә яңылыҡтар
Мәҙәниәт
7 Март 2018, 02:00
Аманатҡа һаҡлап тоғролоҡ
Маҡар ауылының моделле китапханаһында уҡытыусылар һәм “Ағинәйҙәр” ойошмаһы менән берлектә Халыҡ- ара туған тел көнөнә арналған “Ҡайһылай килешле яңғырайһың, туған телем!” исемле тәрбиәүи сара ойошторолдо.
Маҡар ауылының моделле китапханаһында уҡытыусылар һәм “Ағинәйҙәр” ойошмаһы менән берлектә Халыҡ- ара туған тел көнөнә арналған “Ҡайһылай килешле яңғырайһың, туған телем!” исемле тәрбиәүи сара ойошторолдо.
Туған тел – ул ата-бабаларҙан
ҡалған изге аманат. «Өләсәйем
һандығы» тип аталған йола
күренешенең маҡсаты ла
йәштәргә халҡыбыҙ йолалары, аҫыл ҡомартҡыларыбыҙ
хаҡында белемде аманаттай
тапшырыу ине. Өләсәйҙәр
алып килгән ҙур күргәҙмәлә
боронғо һөлгөләр, күҙ яуын
алып торған ҡорама юрған-түшәктәр, түрҙән семәрле
һандыҡ урын алды. Һандыҡты
асыр өсөн ейәнсәрҙәрҙән
йомаҡ сисеүҙә зирәклек талап
ителде. Иң өҫтә изге ҡомартҡы
- ике Ҡөрьән китабы ята ине.
Береһе бик боронғо, ҡәҙерләп,
тышлап һаҡланған. Китаптың
хужаһы Рәмзиә Мораҙымова
уның тарихын, күҙ ҡараһылай
һаҡлауын аңлатып, тәрбиәүи
вәғәздәр һөйләне. Артабан
серле һандыҡтан ҡашмау,
түшелдеректәр, боронғо би-
ҙәүестәр сығарылды. Әлфиә
Мәүлитшина ғорурлыҡ менән
әсәһенән ҡалған күлдәк-
камзулды кейеп, таҡмаҡ әйтеп
бейеп тә күрһәтте. Финә
Фәррәхова элек-электән көмөш биҙәүестәрҙең ҡатын-
ҡыҙҙың ҙур байлығы булыуын,
насар күҙҙәрҙән һаҡлауын
һөйләп, өләсәһенең зиннәтле
әйберҙәре менән таныштырҙы.
Кәбирә Хисмәтуллина апа-
йыбыҙ иһә ҡул эштәренә маһир,
уның өлгөләрендә күптәрҙә
был шөғөлгә ҡыҙыҡһыныу уянды. Үҙе тегеп биҙәгән селтәре
лә һоҡланып туймаҫлыҡ.
Уның яҡташыбыҙ Ғәлиә
Кәлимуллинаның “Үҙ илемдә
– үҙ телемдә” шиғырын яттан
һөйләүе күңелдәрҙә ғорурлыҡ
хисе уятты. Ағинәйҙәр
халҡыбыҙҙың рухи ҡомартҡыһы
булып йәшәп килгән мөнәжәт,
йомаҡтар, әйтемдәрҙе үҙенә
күрә бер оҫталыҡ менән балалар күңеленә яҡынайтты.
Кисәлә уҡыусы балалар мил-
ли уйындар уйнаны, йомаҡтар,
мәҡәлдәр әйтеште. Туған
тел, тыуған яҡ тураһында
шиғырҙар яңғыраны. Хәйер,
төрлө конкурстарҙа ҡатнашып
торған ауылыбыҙ йәштәре,
шиғри күңелле кешеләре
менән ғорурлана алабыҙ. Февраль айы әҙәби кисәләргә бай
булыуы, уларҙы ауылдаштарға
таянып үткәрә алыу быны тағы
бер раҫлай. Башҡортостандың
халыҡ шағиры Назар Нәжмиҙең 100 йыллығына
арналған шиғыр һөйләүселәр
бәйгеһендә ҡатнашыу, матурлыҡ һәм яҡтылыҡ йырсыһы
Зәйнәб Биишеваға арналған
сарала балаларҙың дәртләнеп
уның әҫәрҙәренән өҙөктәр
сәхнәләштереүе, уларҙың бындай эштәргә ихлас тотоноуы
атай-олатайҙарыбыҙ аманаты
ышаныслы ҡулдарҙа булыуы
хаҡында һөйләй
Читайте нас:
© 2024 Сайт общественно-политической газеты «Торатау» города Ишимбая и Ишимбайского района
Регистрационный номер ПИ ТУ02-01361. Свидетельство выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан от 24.07.2015 г.
Новости, статьи, другие публикации, а также фото-, видео-, графические материалы являются объектами авторского и исключительного права газеты «Торатау». Перепечатка допускается только по согласованию с редакцией. Ссылка на авторство газеты «Торатау» обязательна. Для интернет-изданий прямая активная гиперссылка на сайт газеты «Таратау» обязательна.
Телефон
8(34794) 2-68-45
Электрон почта
Адресы
453200, город Ишимбай, ул. Советская, 88
Реклама хеҙмәте
8(34794) 4-11-22, 8-917-45-44-640
Редакция
8(34794) 2-68-45
Ҡабул итеү бүлмәһе
8(34794) 3-22-75
Хеҙмәттәшлек
8(34794) 3-22-75