Матур ғаилә - ил ҡото

Ҡолғона ауылының социаль-мәҙәни үҙәгендә урынлашҡан моделле китапханала “Матур ғаилә - ил ҡото” тип аталған тематик кисә уҙҙы. Кисәгә китапхананың әүҙем уҡыусылары саҡырылды.

Ауылдың өлгөлө ғаиләләрен ҙурлау, хөрмәтләү һәм күрһәтеү маҡсатнан ойошторолдо был сара. Рәшиҙә менән Нәзир Вәлиевтар тап шундай ғиләләр рәтенән. Кисәне асып, китапханасыһы Фәнилә Яхина Вәлиевтарҙың тормошо менән таныштырҙы. Фойела уларҙың ҡул эштәре лә ҡуйылғайны. Ағинәйҙәр ойошмаһы етәксеһе Рәшиҙә апай үҙенең шәжәрәһен һөйләп үтте. Әйткәндәй, ағинәйҙәр ойошмаһы ла кисәлә ҙур ихласлыҡ менән ҡатнашты. Улар йырлап-бейеп, шиғырҙар һөйләп күңелдәрҙе күтәреп ебәрҙе. Шулай уҡ уҡыусылар ҙа йыр-шиғырҙар бүләкләне.

Кисә тәмле сәй эсеү менән

тамамланды.