Кинйәбулат мәктәбендә бер юлы – өс матур сара!

14 декабрҙә, ошо йәкшәмбе, республикала Башҡорт теле көнө билдәләнә. Ошо уңайҙан Кинйәбулат мәктәбендә тантаналы линейка үтте. Сара башҡорт йыры һәм бейеүе менән үрелеп барҙы.

Тағы ла ике яҡ өсөн ҡыуаныслы мәл – Кинйәбулат мәктәбе уҡытыусылары «Торатау» гәзитенә дәррәү яҙылды. Беҙгә был эштә 16 йыл почта хеҙмәткәре булып эшләгән Зилә Баймөхәмәтова ярҙам итте.

- Үҙем «Торатау» гәзитенә яҙылдым, ә ҡәйнәмдәргә «Башҡортостан ҡыҙы» журналын бүләк иттем, улар төрлө баҫма уҡырға ярата, - тип уртаҡлашты инглиз теле уҡытыусыһы, шайморатовсылар класы етәксеһе Гүзәл Насретдинова. – Гәзит биттәрендә уҡыусы балаларҙың уңыштары тураһында ла мәҡәләләр күрге килә. Киләсәктә бергә уңышлы хеҙмәттәшлек итербеҙ тип уйлайым.

Автор фотолары һәм видеоһы.