Ишембай муниципаль телевидениеһы «Йырлы бүләк» исемле ҡотлауҙар программаһын башлап ебәрҙе.
Туғандарҙы, дуҫтарҙы үҙебеҙҙең телевидение эфир тулҡындарында ҡотлап, музыкаль бүләк тапшырыу мөмкинлеге менән яҡташтар ихлас файҙаланыр тип ышанабыҙ.
- Яҡындарыбыҙҙы һәр ваҡыт шатландырып, һөйөндөрөп торғо килә, ә ҡотлауҙар тапшырыуы аша быны бик еңел, ижади эшләп була, - тип уртаҡлашты хеҙмәттәшебеҙ, "Йырлы бүләк” тапшырыуын алып барыусы Хәнә Мәҡсүтова. - Заявкаларҙы бер аҙна алдан биреү кәрәк, 8-10 сифатлы фото ебәреүегеҙҙе лә һорайбыҙ. Ҡотлау тексын яҙыуҙа ауырлыҡтар тыуа икән - ярҙам итәбеҙ. 6-26-38, 8-987-628-16-72 телефон һандарын үҙегеҙгә һаҡлап ҡуйып, ғаилә тантаналары яҡынлағанда шылтырата
алаһығыҙ.
Музыкаль ҡотлауҙар һәр шәмбе киске сәғәт 9-сы яртыла “Сәләм” каналында (Уфанет 156-сы кнопка) күреп була.
Фото: Хәнә Мәҡсүтова архивынан.