Велосипедтың хужаһы табылды

Отторҙоҡ. Китте. Иҫән-һау, шатланып, ҡыуанып йөрөргә булһын! Нимә хаҡында яҙыуыбыҙҙы аңлап тораһығыҙмы? Эйе, бөгөн гәзит уҡыусыларыбыҙ араһында иң ҡиммәтле бүләкте - Forward маркалы велосипедты уйнаттыҡ.

Төн сыҡҡансы нисек түҙергә, еңеүсене атағы килә бит әй! Анау өҫтәлдә тулып ятҡан ҡағыҙҙарҙа һеҙҙең исемдәр теркәлгән, квитанция ебәреп өлгөртөүсе дуҫтар! Бөтәһе 334 кеше булды исемлектә. Квитанциялар күсермәһен әле лә ҡабул итәбеҙ, бүләктәрҙең вағырағы, әммә көнкүрештә бик тә кәрәклеһе ҡалды! Ошо көндәрҙә «Торатау»ға яҙылып өлгөрөп, квитанцияһын телефонға фотоға төшөрөп булһа ла электрон почтаға ([email protected]) һалығыҙ - отош исемлегенә үҙегеҙҙе өҫтәп ҡуясаҡбыҙ!