Виләсәпит һәм тағы бик күп шәп бүләктәр хужаларын көтә!

Дуҫтар, бигерәк тә спорт яратыусы гәзит уҡыусыларыбыҙ, Forward маркалы тау велосипеды хужаһы булғығыҙ киләме? “Торатау” гәзитенән киләһе йылда ла айырылмаҫҡа ниәтләгәндәр өсөн бының юлы бик ябай.

2019 йылға тотош йәки ярты йыллыҡҡа гәзиткә яҙылаһығыҙ ҙа, квитанцияһы күсермәһен редакцияның матбуғатҡа яҙылыу бүлегенә килтерәһегеҙ (Совет урамы, 88, 1-се ҡат) йәки редакцияға ингән ерҙәге почта йәшнигенә төшөрәһегеҙ. Күсермәне хат менән ебәреү йәки электрон почтаға ([email protected]) һалыу ҙа рөхсәт ителә. Тик быны, дуҫтар, 21 декабргә тиклем эшләп өлгөрөргә кәрәк. 24 декабрҙә иһә иң әүҙемдәр, иң өлгөрҙәрҙән килгән квитанциялар күсермәләре араһынан осраҡлы бер еңеүсене билдәләйәсәкбеҙ.

“Торатау” гәзитенә яҙылыусылар өсөн башҡа бик күп матур, көнкүрештә кәрәге тейеп торған бүләктәр ҙә әҙерләп ҡуйҙыҡ. Был хаҡта тағы бер тәфсирләп яҙырбыҙ әле. Уларҙы матбуғатҡа яҙылыу осорон йомғаҡлағас, 2019 йылдың ғинуар урталарында уйнатасаҡбыҙ. Район гәзитен алдырып уҡыу үҙе бер рухи ҡәнәғәтлек килтерһә, уңышыңды һынап ҡарау ҙа ҡыҙыҡ бит? Кемдәргә, ҡайҙарға китер икән бүләктәр?

“Үҙем Башҡортостандан ситтә йәшәйем, атай-әсәйем адресына “Торатау”ға яҙылыу юлын өйрәтегеҙ әле”, тигән мөрәжәғәт тә булды ошо көндәрҙә. Бының бер ҡатмарлығы юҡ, дуҫтар. Беҙгә яҡын кешегеҙҙең исем-шәрифен, адресын дөрөҫ, теүәл итеп яҙып ебәрһәгеҙ, гәзиткә яҙылыу бүлеге хеҙмәткәре квитанцияһын да тултырыр, күсермәһен бүләк отошҡа ла индереп ҡуйыр. Һеҙгә тик күрһәтелгән иҫәп буйынса аҡсаһын күсерергә ҡала. Беҙгә гәзиттең Бәйләнештә селтәре төркөмөндә лә (https://vk.com/gazeta_toratay) туранан-тура яҙа, һорауҙар бирә алаһығыҙ. Шулай уҡ матбуғатҡа яҙылыу бүлегенең 4-11-80 телефоны һеҙҙең ҡарамаҡта.