Үҙебеҙҙең гәзит бит ул!

«Ғүмер буйы “Торатау”ҙы алдырабыҙ, район гәзите беҙҙең өсөн күҙ ҙә, ҡолаҡ – барыһын уның аша белеп торабыҙ”, - ти Сәлих ауылында йәшәүсе Венера һәм Кашафетдин СӨЛӘЙМӘНОВТАР.

Биш бала үҫтергән, оҙаҡ йылдар малсылыҡта хеҙмәт ветерандары исемен ҡаҙанған өлгөлө парҙың район тормошо менән ҡыҙыҡһынып, йәшәүҙәре үҙе үк күп нәмә хаҡында һөйләй.

- Ҡыҙҙарыбыҙ мәҙәниәт өлкәһендә эшләгәс, саралар хаҡында мәҡәләләрҙе икәүләп уҡыйбыҙ. Ауыл кешеһенә баҫыуҙарҙан хәбәрҙәр, “Ауыл советтарында” тигән рубрика яҡын. Почтальоныбыҙ Әминә Шайморатова ла бик өлгөр. килерен белеп, ҡапҡа төбөндә ҡаршылап торабыҙ “Торатау”ҙы, - ти Кашафетдин Хисаметдин улы. – Үҙебеҙҙең гәзитте алдырмаған кешене йәлләп ҡуям, тормош китек кеүек бит унһыҙ. Яҙылып ҡарағыҙ, тәмен белһәгеҙ, айырылғығыҙ килмәйәсәк, тим.

Әлдә ошондай яҡташтар бар, битарафлыҡты улар өлгөһөндә еңәбеҙ.