Ишембайҙар Еңеү көнөн бөтөн ил менән бергә ҡаршылай

Ҡалабыҙҙың бейеү коллективтары һәм мәктәп уҡыусылары "Еңеү вальсын" башҡарҙы. Стадионда йыйылыусылар Еңеү парадын алҡыштарға күмеп ҡаршы алды. Уҡыу йорттары студенттары, кадеттар, хәрби хәрәкәттәр ветерандары парад маршы менән үтте. 

Муниципаль район хакимиәте башлығы Азат Ишемғолов, депутаттар, махсус хәрби операцияла ҡатнашыусы яугирҙар, йәш быуын байрамда ҡатнашыусылар алдында ҡотлау һүҙҙәре менән сығыш яһаны.

Аҙаҡ байрам Ленин исемендәге майҙанда дауам итте. Бында төрлө фотозоналар, тематик майҙансыҡтар булды, ҡаланың ижади коллективтары сығыш яһаны.

Автор фотолары.