Изге күңелдән!

Ҡәҙерлеләребеҙҙең матур ғаилә ҡороп, иңгә-иң терәп донъя көтөүҙәренә 25 йыл тулды. Ошо ваҡыт эсендә йәштәр үҙҙәрен өлгөлө ғаилә булараҡ күрһәтте. Тимур һәм Батыр исемле бөркөт кеүек егеттәргә һәм сәскәләй Самираға ғүмер бүләк иттеләр. Балаларына матур тәрбиә, белем бирәләр.

Эшҡыуарлыҡ өлкәһендәге уңыштары ла айырым иғтибарға лайыҡ. Ҡатмарлы юл шарттарына, ауылдың ҡаланан алыҫ урынлашыуына ҡарамаҫтан, ең һыҙғанып эшләйҙәр. Ҡолғона һәм тирә- яҡ ауылдарҙың халҡын сифатлы тауар менән тәьмин итәләр. Кафеларынан да кеше өҙөлмәй. Хәйриә акцияларында әүҙем ҡатнашалар, ауылды төҙөкләндереүгә лә үҙ өлөштәрен индерәләр.

Ошо күркәм дата уңайынан йөрәк түренән сыҡҡан иң изге теләктәребеҙҙе юллайбыҙ: ныҡлы һаулыҡ, ғаилә бәхете, эшегеҙҙә уңыштар теләйбеҙ. 25 йыл элек ҡабыҙған ғаилә усағы бер ҡасан да һүнмәһен!

Бәхет – шатлыҡ, ҡыуаныстар менән
Гөрләп үтһен көмөш туйығыҙ.
Ғүмер дилбегәһен ныҡлы тотоп,
Ғүмер юлын бергә уҙығыҙ.
Беҙ теләйбеҙ һеҙгә тауҙай бәхет,
Уңыштарҙан тауҙар өйөлһөн.
Пар күгәрсен кеүек йәшәгеҙ һеҙ,
Бар туғандар ҡарап һөйөнһөн!

Йөрәк түренән сыҡҡан иң изге теләктәр менән атайығыҙ Рәмзин, әсәйегеҙ Ғәҙилә.