Яҡташыбыҙ һайлауға милли кейемдә килде

— Элекке ваҡытта һайлауҙар һәр саҡ байрам ине, ә байрамға иң яҡшы кейемде кейеү ҡабул ителгән. Күлдәгемдәге биҙәктәр бер һүрәткә йыйылған кеүек, беҙҙең тауыштар ҙа уртаҡ киләсәкте төҙөй. Беҙҙең тыуған яҡтың иртәгәһе ниндәй буласағын үҙебеҙ һайлайбыҙ. Мин йәштәрҙең тыныслыҡта йәшәүен, уҡыуын һәм үҫешеүен, ләкин үҙ тамырҙарын бер ҡасан да онотмауын теләйем. Үткәнһеҙ киләсәк юҡ, һәм бөгөн мин быны шәхси өлгөмдә күрһәтергә килдем, - тине ул.

Милә Мөҙәрис ҡыҙы, тауыш биргәс, бюллетенде һаҡлыҡ менән урнаға һалды, комиссияның барлыҡ ағзаларына хәйерле көн һәм ныҡлы һаулыҡ теләп, үҙенән һуң байрам тойғоһо ҡалдырҙы.

Ошондай минуттарҙа һайлауҙарҙың бланк тултырыу ғына түгел, ә тәрән мәғәнәгә эйә булған ваҡиға икәнен аңлайһың. Был — һәр кемдең, йәшенә ҡарамаҫтан, үҙенең бәләкәй тыуған яғы тарихын яҙыуҙа ҡатнашлығы барлығын тойған көнө. Ә Милә Кәримова кеүек һайлаусылар был байрамға айырым бер йылылыҡ һәм сағыу милли колорит өҫтәй.

Автор фотоһы.