Радий Хәбиров «Башҡортостан геройҙары»ның беренсе ағымын тамамлаусыларҙы ҡотланы

«Бөгөн беҙҙең мөһим көн. «Башҡортостан геройҙары» кадрҙар программаһының беренсе ағымын уҡытыу тамамланды. Бында, ошо залда – уның беренсе, хатта тарихи сығарылышы. Беҙҙең программа Президент Владимир Путин тәҡдиме менән башланған «Геройҙар ваҡыты» федераль проектының дауамы булып тора.

Республикабыҙҙан федераль проектта ҡатнашыусыларҙы яҡшы беләһегеҙ. Бөгөн уларҙың береһе беҙҙең менән. Оскар Ситдиҡов МХО ветерандарының төбәк ассоциацияһын етәкләй, яугирҙәргә һәм уларҙың ғаилә ағзаларына ярҙам итеүҙе координациялай.

«Башҡортостан геройҙары»нда ҡатнашыу өсөн конкурс юғары булды. Рәсәйҙең 40-тан ашыу төбәгенән хәрби хеҙмәткәрҙәрҙән ике меңдән ашыу ғариза килде. Был проектҡа ныҡлы ышаныу тураһында һөйләй. Иң яҡшы 70 кеше финалға сыҡты. Мин һеҙҙең хаҡта, уҡыуҙы һәм стажировканы тамамлаусылар тураһында һүҙ алып барам. Бер йылдан ашыу һеҙ хәҙерге ҡануниәт, иҡтисад, идара итеү нигеҙҙәрен үҙләштерҙегеҙ. Тәжрибәле остаздар менән шөғөлләндегеҙ. Власть органдарында, ойошмаларҙа һәм предприятиеларҙа стажировка үттегеҙ», — тип билдәләне Радий Хәбиров.

ФОТО: ОЛЕГ ЯРОВИКОВ