“Изгелек марафоны” – яугирҙар һәм уларҙың ғаиләләре өсөн

“Изгелек марафоны” сиктәрендә халыҡ
табиптарҙан консультация алды, диагностика үтте, һаулыҡ тураһында лекциялар тыңланы. Дауалау буйынса бер нисә
белгес - терапевт, невролог, трихолог
һәм гинеколог кәңәштәр бирҙе. Шулай уҡ табиптар “Ангио-Скан” аппаратында тикшереү үткәрҙе, ул йөрәк-ҡан
тамырҙары системаһының торошон,
стрессҡа сыҙамлылыҡ кимәлен баһалай,
кешенең биологик йәшен билдәләй.

Ауырыуҙарҙы диагностикалауҙан тыш,
“Норис” клиникалары селтәре табиптары
ҙур булмаған презентация ойошторҙо:
улар сәләмәт йәшәү рәүешенең
мөһимлеге, төрлө ауырыуҙарҙы иҫ-кәртеү
саралары хаҡында һөйләне һәм проекттың һөҙөмтәләре менән ур-таҡлашты. Ғинуар
аҙағына ике йөҙҙән ашыу кеше был социаль-патриотик башланғыс ярҙамында
табиптарға күренгән.

“Изгелек марафоны”нда ҡатнашыусыларға Стәрлетамаҡ ҡалаһынан килгән
“Павильон” төркөмөнөң концерты ла
бик оҡшаны – музыканттар үҙҙәренең
яратҡан йырҙарын башҡарып ҡына
ҡалманы, тамашасылар менән дә аралашты.

- Беҙҙең лекциялар һәм консультациялар кеше һаулығы өсөн кәрәк булһа, музыкаль төркөмдөң сығышы – ул рухи байрам.
Сара ярҙам күрһәтеү генә түгел, ә махсус
хәрби операцияла ҡатнашыусыларҙы һәм
уларҙың яҡындарын дәртләндереү өсөн
дә ойошторола, – тип һыҙыҡ өҫтөнә алды
“Норис” компанияһының генераль директоры урынбаҫары Лилиана Сираева.