+24 °С
Ямғыр
Новости
12 Июль 2023, 09:00
Республикала аномаль эҫелек һүрелә
Башҡортостанда эҫелек әкренләп һүрелә. Башгидромет фаразы буйынса, бөгөн, 12 июлдә, көндөҙ +25, +30 градус була. Урыны менән ямғыр, ҡойма ямғыр һәм йәшен көтөлә, елдең ныҡ көсәйеүе ихтимал.
Республикала аномаль эҫелек һүрелә
Кесаҙна, 13 июлдә, һауа торошо әллә ни үҙгәрмәй. Һауа +22, +27 градусҡаса йылына. Урыны менән йәнә ҡыҫҡа ваҡытлы ямғыр, йәшен һәм боҙ-борсаҡ. Ел урыны менән көсәйеүсән.
Йома, 14 июлдә, йәнә ҡыҫҡа ваҡытлы ямғыр яуа. Елдең көсәйеүе фаразлана. Һауа температураһы көндөҙ +19, +24 градусҡа тиклем йылына.
«Башинформ» хәбәр иткәнсә, республикала 10 июль күҙәтеүҙәр тарихында иң эҫе көн булған. Өфө-Дим аэрология станцияһында һауа температураһы +39,4° тәшкил иткән (2020 йылда иһә +35,0°).
