Республикала баҡсасыларға урамда һатыу итеү өсөн 4000-гә яҡын урын булдырылған

«Әле беҙҙә 300-ҙән ашыу майҙансыҡта халыҡҡа уңайлы булһын өсөн өҫтәлдәр ҡуйылған, унда продукцияны теҙергә, ҡояштан йәшенергә мөмкин. Майҙансыҡтар граждандарға үҙ баҡсаһында үҫтергән йәшелсәне, еләк-емеште һатыу өсөн бушлай бирелә», — тип хәбәр итте сауҙа һәм хеҙмәттәр министры Алексей Гусев.

Иң күп сауҙа нөктәләре — Өфөлә (568 урынлыҡ 34 майҙансыҡ), Стәрлетамаҡта (1977 урынлыҡ 16 майҙансыҡ), шулай уҡ Бөрө районында (385 урынлыҡ 6 майҙансыҡ).

Хәтерегеҙгә төшөрәбеҙ, республика етәксеһеРадий Хәбиров баҡсасыларҙың беренсе форумында шәхси хужалыҡта үҫтерелгән продукцияны һатыу өсөн уңайлы урындар булдырырға ҡушҡайны.