+28 °С
Болотло
Новости
21 Май 2021, 09:58
Рөстәм Шаһыбаловтың улы тыуҙы!
Нурсилә һәм Рөстәм Шаһыбаловтар икенсегә ата-әсәй булған. Бәхетле ғаиләнең тағы ла улдары донъяға килгән. Сабыйҙың ауырлығы - 3950, оҙонлоғо - 53 сантиметр. Ҡустыһының тыуыуына бигерәк тә ағаһы Илдан ҡыуана, уның тиҙерәк дауахананан сығыуын ҙур түҙемһеҙлек менән көтә.
Нурсилә һәм Рөстәм Шаһыбаловтар икенсегә ата-әсәй булған. Бәхетле ғаиләнең тағы ла улдары донъяға килгән. Сабыйҙың ауырлығы - 3950, оҙонлоғо - 53 сантиметр. Ҡустыһының тыуыуына бигерәк тә ағаһы Илдан ҡыуана, уның тиҙерәк дауахананан сығыуын ҙур түҙемһеҙлек менән көтә.
Бәләкәскә һәм уның ата-әсәһенә ныҡлы һаулыҡ теләйбеҙ, уларҙың ҡыуанысын уртаҡлашабыҙ!
Башҡорт эстрадаһында яҡты йондоҙ булып балҡыған Рөстәм Шаһыбалов Әбйәлил районының Амангилде ауылында тыуып үҫкән. Артист булыу теләге уны 2000 йылда Өфө сәнғәт училищеһына алып килә. Училищены уңышлы тамамлағандан һуң, Рөстәм Шаһыбалов З. Исмәғилев исемендәге Өфө дәүләт сәнғәт академияһының вокал бүлегендә уҡыуын дауам итә.
Рөстәм Шаһыбалов халыҡ-ара һәм Бөтә Рәсәй конкурстарында әүҙем ҡатнаша: “Ирәндек моңдары-99” конкурсында, башҡорт һәм татар йырын башҡарыусыларҙың “Дуҫлыҡ моңо-2002” фестивалендә – III дәрәжә диплом лауреаты, VI төбәк-ара башҡорт йырын башҡарыусыларҙың “Ирәндек моңдары-2002” конкурсында Гран-приға лайыҡ булған. Бынан тыш, ул Туймазы ҡалаһында уҙған “Оҙон көй-2002” башҡорт халыҡ йыры конкурсында III дәрәжә лауреаты, 2003 йылда Волгоградта III Бөтә Рәсәй йәштәр “Дельфий уйындары” ярышында I дәрәжә лауреат тип танылған, 2004 йылда Кишиневта БДБ илдәренең йәштәр “Дельфий уйындары”нда бронза миҙал яулаған.
Рөстәм хеҙмәт юлын Х. Әхмәтов исемендәге Башҡорт дәүләт филармонияһында “Каруанһарай” төркөмөндә башлаған.
Бөгөн Рөстәм Шаһыбалов – халыҡ-ара, Бөтә Рәсәй һәм республика конкурстарында лауреат булған, киң билдәлелек яулаған йырсы. Ейәнсура ҡыҙы Нурсилә менән Илдан исемле бер ул үҫтерә.
Бөгөн Рөстәм Шаһыбалов – халыҡ-ара, Бөтә Рәсәй һәм республика конкурстарында лауреат булған, киң билдәлелек яулаған йырсы. Ейәнсура ҡыҙы Нурсилә менән Илдан исемле бер ул үҫтерә.
Фото: Рәстәм Шаһыбаловтың ғаилә архивынан.
Карима Усманова
