+21 °С
Болотло
Новости
12 Май 2021, 10:15
Республикала яҙғы культуралар өсөн планлаштырылған майҙандарҙың 55% сәселде
Республикала сәсеү кампанияһы «экватор»ҙы үтте: 12 майға планлаштырылған майҙандарҙың яртыһынан күберәгенә сәселгән. «Һауа торошо һәйбәт булғас, баҫыу эштәренең темпы һуңғы көндләрҙә ярайһы уҡ юғары.
Республикала сәсеү кампанияһы «экватор»ҙы үтте: 12 майға планлаштырылған майҙандарҙың яртыһынан күберәгенә сәселгән. «Һауа торошо һәйбәт булғас, баҫыу эштәренең темпы һуңғы көндләрҙә ярайһы уҡ юғары. Аграрийҙар тәүлегенә 100 мең гектарҙан ашыу сәсеп өлгөрә», — тип белдерҙеләр ведомствола.
Уҙған тәүлектә аграрийҙар 115,7 мең гектар сәскән. Дөйөм алғанда, 12 майға 1,107 миллиог гектар майҙанда сәсеү эштәре башҡарылған, был пландан 55%. Шул иҫәптән бөртөклөләр һәм бөртөклө-ҡуҙаҡлылар – 779 мең гектар, май бирә торған үҫемлектәр – 211,3 мең гектар, шәкәр сөгөлдөрө – 30,2 мең гектар.
Яҙғы культураларҙы сәсеү буйынса Илеш (59,3 мең гектар), Мәләүез(44,8мең гектар), Саҡмағош (42,3 мең гектар), Ауырғазы (42 мең гектар), Әлшәй (41мең гектар) райондары алда бара.
