+24 °С
Ямғыр
Новости
12 Март 2021, 15:16
“Атайсал” проекты әүҙемләшә
Башҡортостан Башлығы Хакимиәте етәксеһенең эске сәйәсәт буйынса урынбаҫары Урал Килсенбаев социаль селтәрҙә "Атайсал" проектының нисек тормошҡа ашырылыуы тураһында хәбәр итте.
Башҡортостан Башлығы Хакимиәте етәксеһенең эске сәйәсәт буйынса урынбаҫары Урал Килсенбаев социаль селтәрҙә "Атайсал" проектының нисек тормошҡа ашырылыуы тураһында хәбәр итте. “Атайсал” проекты йылдам тормошҡа ашырыла башланы. Унда ҡатнашыуға 60-тан ашыу ғариза тапшырылғайны, шуларҙың 24-е һайлап алынды”, – тип белдерҙе ул.
Мәғлүм булыуынса, “Атайсал” проекты республика халҡының көнүҙәк проблемаларын хәл итеүгә, тыуған яғының яҙмышына битараф булмаған меценаттарҙың тормошон еңеләйтеүгә йүнәлтелә. Уның өсөн республиканың дәүләт идараһының һанлы үҫеше министрлығы махсус сайт асты. Программала ҡатнашыу өсөн ataisal.ru һылтанмаһы буйынса теркәлеп, халыҡҡа ҡыҙыҡлы проект тураһында ҡыҫҡаса мәғлүмәт бирергә кәрәк. Бер аҙ ваҡыттан “Муниципаль берәмектәр советы” ассоциацияһы вәкилдәре һеҙҙең менән бәйләнешкә инеп, мәғлүмәтте йәнә бер тапҡыр асыҡлар һәм шунан уны сайтта урынлаштырырҙар.
Тиҙҙән үҙ-ара бәйләнеш яйға һалынасаҡ, үҙенә күрә “теләктәр кенәгәһе” барлыҡҡа киләсәк. Биләмә хакимиәттәре унда үҙҙәренең теләген белдерә ала.
Фото: ataisal.ru
Лилия Давлетбакова
