+21 °С
Болотло
Новости
18 Октябрь 2019, 21:00
Пакетһыҙ йәшәй алырбыҙмы?
Һеҙҙең дә өйөгөҙҙә пакеттар һалынған пакет бармы? Беҙҙә бер нисәү булһа ла, йыйыуҙы дауам итәбеҙ. Был, әлбиттә, бер аҙ шаярыу. Ә бына етди уйлағанда, уның тирә-яҡҡа зыяны бик ҙур.
Һеҙҙең дә өйөгөҙҙә пакеттар һалынған пакет бармы? Беҙҙә бер нисәү булһа ла, йыйыуҙы дауам итәбеҙ. Был, әлбиттә, бер аҙ шаярыу. Ә бына етди уйлағанда, уның тирә-яҡҡа зыяны бик ҙур.
Пластик пакеттарһыҙ йәшәй алырбыҙмы икән? Әле Роспотребнадзор ҡалдыҡтар тураһындағы законға үҙгәрештәр индереү өсөн тәҡдимдәр әҙерләй. Уға ярашлы, илдә полиэтилен пакет етештереү кәметеләсәк. Ә киләсәктә уны бөтөнләй тыйыу күҙ уңында тотола. Был тәү сиратта магазиндарҙа һәм супермаркеттарҙа ҡулланылған пакеттарға ҡағыла.
Бер ябай ғына шыптыр ҡапсыҡ, ә уның тәбиғәткә зыяны иҫ киткес ҙур. Иҫәпләүҙәр буйынса, аҙнаһына бер пакеттан баш тартып, 33 балыҡты ҡотҡара алабыҙ.
Закон ҡабул ителерме-юҡмы, әлегә билдәһеҙ. Бында башҡа ведомстволар менән дә фекер алышырға кәрәк. Мәҫәлән Тәбиғәт министрлығы риза булған хәлдә лә, сәнәғәтселәр яғынан ҡаршылыҡтар тыуыуы ихтимал.
Ә һеҙ полиэтилен ҡапсыҡһыҙ йәшәй алаһығыҙмы? Тәбиғәт хаҡына унан баш тартырға әҙерһегеҙме?
Әлфиә МИНҒӘЛИЕВА.
Фото: yandex.by
