+28 °С
Болотло
Новости
19 Август 2019, 21:00
БЕР БИЛЕТ МЕНӘН ЙӨРӨП БУЛА
"Төҙөлөш һәм транспорт сәғәте" тәртибендәге аҙналыҡ кәңәшмәлә республика етәксеһе вазифаһын башҡарыусы Радий Хабиров "Алға" берҙәм транспорт картаһының ғәмәлгә индерелеүе һәм ҡулланыш уңайлыҡтары менән ҡыҙыҡһынды.
"Төҙөлөш һәм транспорт сәғәте" тәртибендәге аҙналыҡ кәңәшмәлә республика етәксеһе вазифаһын башҡарыусы Радий Хабиров "Алға" берҙәм транспорт картаһының ғәмәлгә индерелеүе һәм ҡулланыш уңайлыҡтары менән ҡыҙыҡһынды.
Бөтә район үҙәктәре менән Өфө араһында транспорт бәйләнешенең яйға һалыу бурысын тормошҡа ашырыу өсөн "Башавтотранс" предприятиеһының автопаркы 136 автобус менән тулыландырылғайны. Ай аҙағына тиклем тағы ла 282 машина килеүе көтөлә. Ошо рәүешле "Башавтотранс" әүәлге маршруттарҙы тергеҙеп кенә ҡалманы, ҡайһы бер яңы йүнәлештәрҙе лә үҙләштерҙе.
– 1 сентябрҙән Өфөлә күсеп ултырыу тарифы ҡулланыла башлаясаҡ. Уның буйынса пассажир "Башавтотранс" автобусында 20 һумлыҡ юл хаҡын түләп, бер сәғәт эсендә икенсе автобусҡа күсеп ултырған осраҡта, бушлай йөрөү хоҡуғынан файҙаланасаҡ. Шул уҡ ваҡытта махсус тарифты әүҙемләштереү йәки өҫтәмә билет алыу талап ителмәй,– тип белдерҙе"Төҙөлөш һәм транспорт сәғәте" тәртибендәге аҙналыҡ кәңәшмәлә Башҡортостандың Транспорт һәм юл хужалығы буйынса дәүләт комитеты рәйесе Тимур Мөхәмәтйәнов.
Киләсәктә бындай тарифты Өфө электр транспортында, шул иҫәптән электричкала ла ғәмәлгә индереү күҙаллана. Әйткәндәй, юл хаҡын түләүҙең яңы системаһы менән шәхси ташыусылар ҙа ҡыҙыҡһына. Радий Хәбиров этаплы план төҙөргә һәм уны киләһе кәңәшмәлә тәҡдим итергә ҡушты.
"Картаны кемдәр һәм ҡасан файҙалана башлаясаҡ?" тигән һорауға аныҡ яуап алырға теләйем. Беҙҙә троллейбустар, трамвайҙар, ҡала электричкаһы бар, шәхси компаниялар ҙа байтаҡ. Картаға "тоташыуҙың" һуңғы көнө – 31 декабрь, – тине ул.
Фото: интернет.
