+21 °С
Болотло
Новости
13 Май 2019, 21:00
Башҡортостанда зарарлы матдәләр бүлеп сығарыуҙы иҫәпкә алыу системаһын индергән закон үҙ көсөнә инде
Закон һыу менән тәьмин итеү системаһына зарарлы матдәләр бүлеп сығарыу һөҙөмтәһендә тирә-яҡ мөхиткә килтерелгән зыянды ҡапларға бурыслы кешеләрҙе билдәләгән яңы статья индерә.
Сибайҙа экологик хәлгә бәйле ваҡиғаларҙан һуң Башҡортостан Дәүләт Йыйылышы депутаттары республиканың Экология кодексына үҙгәрештәр ҡабул итте. Закон һыу менән тәьмин итеү системаһына зарарлы матдәләр бүлеп сығарыу һөҙөмтәһендә тирә-яҡ мөхиткә килтерелгән зыянды ҡапларға бурыслы кешеләрҙе билдәләгән яңы статья индерә.
«Бынан тыш, экологик хәүефле объекттарҙы зарарлы матдәләр бүлеп сығарыуҙы иҫәпкә алыуҙың һәм ошо мәғлүмәттәрҙе тирә-йүнде бысратҡан объекттар реестрына тапшырыуҙың автоматик иҫәпләү системаһы менән йыһазландырыуҙы күҙ уңында тотҡан норма беркетелгән. Был бысратыу сығанаҡтарын тиҙерәк һәм объектив асыҡларға мөмкинлек бирергә тейеш», — тип билдәләне Башҡортостандың Дәүләт Йыйылышы рәйесе Константин Толкачев.
Закон тирә-яҡ мөхиткә кире тәьҫир өсөн дә түләү тәртибен күҙ уңында тота, экологик зыянды кәметеүсе яңы технологиялар ҡулланған предприятиеларҙы иҡтисади дәртләндереү алымдары билдәләнгән.
Фото: Олег Яровиков
