+22 °С
Ямғыр
Новости
27 Март 2019, 21:00
Азат Ғәлин Башҡортостан Башлығының Дәүләт-хоҡуҡи идаралығы етәксеһе итеп тәғәйенләнде
Азат Ғәлин Башҡортостан Республикаһы Башлығының Дәүләт-хоҡуҡи идаралығы етәксеһе итеп тәғәйенләнде. Башҡортостан Башлығы вазифаһын ваҡытлыса башҡарыусы Радий Хәбиров тейешле бойороҡҡа ҡул ҡуйҙы.
Азат Ғәлин Башҡортостан Республикаһы Башлығының Дәүләт-хоҡуҡи идаралығы етәксеһе итеп тәғәйенләнде. Башҡортостан Башлығы вазифаһын ваҡытлыса башҡарыусы Радий Хәбиров тейешле бойороҡҡа ҡул ҡуйҙы.
Радий Хәбиров ҡул ҡуйған икенсе бойороҡ менән Альбина Воробьёва, икенсе эшкә күсеү сәбәпле, Башҡортостан Республикаһы Башлығының Дәүләт-хоҡуҡи идаралығы етәксеһе вазифаһынан бушатылды.
Ғәлин Азат Ансар улы 1974 йылдың 22 ноябрендә Силәбе өлкәһенең Магнитогорск ҡалаһында тыуған. «Юриспруденция» һөнәре буйынса Г.Носов исемендәге Магнитогорск дәүләт тау-металлургия академияһын тамамлаған.
Хеҙмәт эшмәкәрлеген 1999 йылда Башҡортостан Республикаһының Юстиция министрлығы ҡарамағындағы Дәүләт теркәү палатаһында хоҡуҡ теркәүсе булып башлаған.
2001-2006 йылдарҙа – Башҡортостан Республикаһы Юстиция министрлығының ҡануниәт, ведомствоның норматив-хоҡуҡи акттарына хоҡуҡи экспертиза һәм уларҙы теркәү бүлегенең баш белгесе, етәксеһе.
2006-2019 йылдарҙа – Башҡортостан Республикаһы Башлығы Дәүләт-хоҡуҡи идаралығының хоҡуҡи экспертиза бүлеге мөдире, идаралыҡ етәксеһе урынбаҫары – хоҡуҡи экспертиза бүлеге мөдире.
Радий Хәбировтың тағы ла бер бойороғо менән Искәндәр Әхмәтвәлиев – Башҡортостан Башлығының Муниципаль берәмектәр менән үҙ-ара эш итеү идаралығы етәксеһе, Альбина Воробьёва республика Башлығының Дәүләт Йыйылышы — Ҡоролтайҙағы тулы хоҡуҡлы вәкиле итеп тәғәйенләнде.
