+22 °С
Ямғыр
Новости
22 Март 2019, 21:00
"Киләһе йөҙйыллыҡҡа ышаныслы аяҡ баҫабыҙ"
Башҡортостандың төп үҙенсәлеге ниҙә? Республика халҡы киләһе йөҙйыллыҡты ниндәй кәйефтә ҡаршылай?
Башҡортостандың төп үҙенсәлеге ниҙә? Республика халҡы киләһе йөҙйыллыҡты ниндәй кәйефтә ҡаршылай?
“Рәсәй 24” телеканалында бирелгән ошондай мәғәнәләге һорауҙарға төбәк етәксеһе Радий Хәбиров шулай яуапланы:
“Башҡортостан һәм уның халҡы киләһе йөҙйыллыҡҡа ышаныслы аҙымдар менән аяҡ баҫа. Был бик ябай аңлатыла. Беҙҙең иҡтисад ныҡлы. Ул тотороҡло үҫешә, артабанғы мөмкинлектәре етди.
Шулай ҙа, моғайын, иң мөһиме шулдыр: беҙ киләһе йөҙйыллыҡҡа бай тарих һәм ныҡлы йолаларыбыҙ менән инәбеҙ – улар беҙҙең ғорурлығыбыҙ булып тора.
Рәсәй дәүләтенә ҡушылғандан алып Башҡортостан уның терәк төбәгенә әүерелгән. Беҙ илдең азатлығын һаҡланыҡ. Беҙ уның иҡтисади ҡеүәтен нығыттыҡ. Һәм, әлбиттә, күп быуатлыҡ милләт-ара, конфессия-ара дуҫлыҡтың иң яҡшы өлгөләрен индерҙек.
Ошо йәһәттән Башҡортостан – ысынлап та үҙенсәлекле төбәк. Беҙ республикабыҙ менән ғорурланабыҙ, яҡты киләсәгебеҙгә ныҡлы ышанабыҙ”.
И. ҠОРМАНОВА әҙерләне.
Фото: newsbash.ru
