+21 °С
Болотло
Новости
4 Февраль 2019, 23:00
Юғары уҡыу йорттарында ниндәй үҙгәреш көтөлә?
Республикала маҡсатлы йүнәлеш буйынса уҡыған студенттарҙың һанын арттырыу планлаштырыла. Был хаҡта кисә “Хеҙмәт даирәһе киләсәге” форумында Дәүләт Йыйылышы – Ҡоролтайҙың Мәғариф, мәҙәниәт, йәштәр сәйәсәте һәм спорт буйынса комитеты рәйесе Раил Әсәҙуллин белдерҙе.
Республикала маҡсатлы йүнәлеш буйынса уҡыған студенттарҙың һанын арттырыу планлаштырыла. Был хаҡта кисә “Хеҙмәт даирәһе киләсәге” форумында Дәүләт Йыйылышы – Ҡоролтайҙың Мәғариф, мәҙәниәт, йәштәр сәйәсәте һәм спорт буйынса комитеты рәйесе Раил Әсәҙуллин белдерҙе.
“Һәр юғары уҡыу йорто етәкселеге, педагогтары үҙ студенттарының артабан тап ошо йүнәлеш буйынса эшләүен теләй, – тине ул. – Әммә йәш белгесте хеҙмәт урыны менән тәьмин итеүҙә йыш ҡына проблема тыуа. Маҡсатлы йүнәлеш буйынса уҡығандар һанын арттырыу ошо мәсьәләне яйға һалыуға булышлыҡ ҡыласаҡ. Әле бындай мөмкинлеккә республика студенттарының 5 – 15 проценты эйә булһа, беҙ был күрһәткесте 65 – 70 процентҡа еткереүҙе бурыс итеп алдыҡ”.
Спикерҙың һүҙҙәренсә, быйыл бюджеттан мәғарифҡа йүнәлтелгән аҡса күләме былтырғыға ҡарағанда 1,5 тапҡырға күберәк. Бында маҡсатлы йүнәлеш буйынса уҡытыу сығымдары ла күҙ уңында тотолған.
.
Фото: Олег Яровиков.
