+24 °С
Ямғыр
Новости
22 Ғинуар 2019, 23:00
Башҡортостанда фатирҙарға хаҡтар артты
Яҡынса мәғлүмәттәр буйынса, 2018 йылдың IV кварталында Башҡортостанда беренсел торлаҡ баҙарында бер «квадрат»тың уртаса хаҡы 57,9 мең һумға етте. Былтырғыға ҡарағанда, был 6 процентҡа күберәк, тип белдерҙе республика статистиктары.
Яҡынса мәғлүмәттәр буйынса, 2018 йылдың IV кварталында Башҡортостанда беренсел торлаҡ баҙарында бер «квадрат»тың уртаса хаҡы 57,9 мең һумға етте. Былтырғыға ҡарағанда, был 6 процентҡа күберәк, тип белдерҙе республика статистиктары.
Төбәктә икенсел торлаҡҡа хаҡтар бик артманы — квадрат метр өсөн уртаса 53,3 мең һум. 2017 йылдың IV кварталы менән сағыштырғанда, икенсел баҙарҙа торлаҡ хаҡы 4,6 процентҡа күтәрелде, тип йомғаҡ яһанылар Башстатта.
«Башинформ» агентлығы хәбәр иткәнсә, күсемһеҙ милек баҙары уйынсылары фекеренсә, быйыл беренсел баҙар секторында, атап әйткәндә, Өфөлә хаҡтарҙың 15-20 процентҡа артыуы мөмкин.
Башҡортостандың Төҙөлөш һәм архитектура буйынса дәүләт комитетында әйтеүҙәренсә, «ошондай һан булыр тигән хәүеф бар», әммә ведомствоның үҙенең фаразы икенсерәк.
«Әле беҙ 10-12 процент тип фаразлайбыҙ», — тип белдерҙе Төҙөлөш һәм архитектура буйынса дәүләт комитеты рәйесе урынбаҫары Артем Ковшов, 22 ғинуарҙа «Башинформ» агентлығындағы түңәрәк өҫтәлдә.
Фото: Depositphotos.com
