+21 °С
Болотло
Новости
11 Сентябрь 2018, 21:00
Башҡортостанға йәйгеһен 720 мең турист килгән
Тәбиғәтте һаҡлау зоналарына («Башҡортостан» милли паркы, Башҡортостан ҡурсаулығы, Көньяҡ-Урал ҡурсаулығы, «Шүлгәнташ» ҡурсаулығы) һәм тәбиғәт парктарына («Ҡандракүл», «Мораҙым тарлауығы», «Асылыкүл», «Ирәмәл») килгән кешеләр иҫәбе 120 меңдән ашыу тәшкил иткән.
Йәй миҙгеле йомғаҡтары буйынса (майҙан авгусҡа тиклем) республикаға туристар ағымы 720 мең кешенән артҡан, тип хәбәр иттеләр Башҡортостандың Эшҡыуарлыҡ һәм туризм буйынса дәүләт комитетында. Ул уҙған йылдың йәйенән 40 процентҡа күберәк.
Тәбиғәтте һаҡлау зоналарына («Башҡортостан» милли паркы, Башҡортостан ҡурсаулығы, Көньяҡ-Урал ҡурсаулығы, «Шүлгәнташ» ҡурсаулығы) һәм тәбиғәт парктарына («Ҡандракүл», «Мораҙым тарлауығы», «Асылыкүл», «Ирәмәл») килгән кешеләр иҫәбе 120 меңдән ашыу тәшкил иткән.
Йыл башынан республикаға 872 мең турист (2017 йылдың ғинуарынан авгусҡа тиклем осорҙа 26 процентҡа күберәк) килгән. Ваҡиғалы сараларҙа 636 мең ҡунаҡ һәм республикала йәшәүсе ҡатнашҡан.
Фото: Олег Яровиков
