+28 °С
Болотло
Новости
31 Май 2018, 21:00
Рәсәйҙә бөгөндән яңы юл билдәһе индерелә
Рәсәйҙә 1 июндән 17 июлгә тиклем, 2018 йылғы футбол буйынса донъя чемпионатына хәүефһеҙлек сараларын көсәйтеү сиктәрендә, «Автобустар хәрәкәте тыйылған» тигән яңы юл билдәһе индерелә. Был хаҡта «Известия» гәзите Рәсәй Хөкүмәте ҡарарына һылтанма менән хәбәр итә.
Рәсәйҙә 1 июндән 17 июлгә тиклем, 2018 йылғы футбол буйынса донъя чемпионатына хәүефһеҙлек сараларын көсәйтеү сиктәрендә, «Автобустар хәрәкәте тыйылған» тигән яңы юл билдәһе индерелә. Был хаҡта «Известия» гәзите Рәсәй Хөкүмәте ҡарарына һылтанма менән хәбәр итә.
Билдә уртаһына автобус төшөрөлгән тыйыусы билдәләр форматындағы түңәрәктән тора. Ул муниципаль, муниципаль-ара һәм төбәк- ара даими рейстар башҡарған пассажир автобустарына ҡағыла. Тәьҫир итеү зонаһы –– ҡуйылған урындан алып яҡындағы юл сатына тиклем. Билдә тирәһендә юл саты булмаған тораҡ пункттарҙа –– тораҡ пункттың аҙағына тиклем.
Баҫма мәғлүмәте буйынса, Рәсәйҙең Транспорт министрлығы апрель аҙағында Мәскәүгә, Ҡазанға, Һамарға, Санкт-Петербургка, Дондағы Ростовҡа, Түбәнге Новгородҡа һәм Сочиға автобустар индереүҙе өлөшләтә тыйыу тураһында иғлан иткәйне. Был саралар 1 июндән 17 июлгә тиклем ғәмәлдә. Йәй башынан һәм 30 июнгә ҡәҙәр Волгоград, Екатеринбург, Калининград һәм Саранск ҡалаларына автобустар индереү өлөшләтә тыйыла.
Фото: автор
