+24 °С
Ямғыр
Барыһы ла Еңеү өсөн
19 Август 2025, 11:00
Башҡортостан ирекмәндәре Луганск госпиталдәрендә эш башланы
Был ирекмәндәрҙең «Беренсе тирмә» төркөмө составында 20-се тапҡыр барыуы, тип яҙҙы Башҡортостан Башлығы социаль селтәрҙәге сәхифәһендә.
Башҡортостан ирекмәндәре Луганск госпиталдәрендә эш башланы
«Луганск Халыҡ Республикаһында улар яралыларҙы ҡарай, ашата-эсерә, процедураларға йөрөтә, бүлексәләрҙә дежурҙа тора. Смена ике аҙна дауам итә. Күптәр яугирҙәр янына бер тапҡыр барыу менән генә сикләнмәй, йәнә килә», — тип яҙҙы Радий Хәбиров.
«Беренсе тирмә» проекты былтыр ноябрҙә эшләй башланы, тип иҫкә төшөрҙө ул. Ошо ваҡыт эсендә унда 32 райондан 146 ҡатын-ҡыҙ ҡатнашты. Уларҙың күбеһенең яҡындары МХО биләмәһендә хәрби бурысын үтәй.
20-се смена составында — Ауырғазы, Ҡырмыҫҡалы, Шишмә, Шаран райондарынан 7 ҡатын-ҡыҙ.
«Хоҙай уларҙың һәр береһенә һәм ирекмәндәргә һаулыҡ бирһен. Хеҙмәтегеҙ, изге эштәрегеҙ өсөн алдығыҙҙа ихтирам менән баш эйәм. Ситтә ҡалмағанығыҙ өсөн рәхмәт», — тигән рәхмәт һүҙҙәрен еткерҙе Радий Хәбиров.
