+17 °С
Облачно
Йәмғиәт
8 Сентября , 11:00
Диктант яҙҙы ишембайҙар
Бөгөн, 8 сентябрҙә, Үҙәк этносмарт китапханаһында Рәсәй Федерацияһы халыҡтарының телдәре көнөн байрам итеү сиктәрендә «Рәсәй — халыҡтар йорто» исемле Бөтә Рәсәй диктанты ойошторолдо. Патриотик акция үҙ белемдәрен тикшерергә һәм илебеҙҙең бай мәҙәни мираҫына хөрмәт күрһәтергә теләгән төрлө быуын вәкилдәрен берләштерҙе.
Диктант яҙҙы ишембайҙар
Сара «Йәштәр һәм балалар» милли проекты сиктәрендә ойошторолдо. Диктант рус һәм башҡорт телдәрендә үткәрелде. Текстың нигеҙен күренекле авар шағиры һәм прозаигы Рәсүл Ғамзатовтың әҫәрҙәренән өҙөмтәләр тәшкил итте.
Акция иртәнге сәғәт унда 15-се мәктәп уҡыусыларының диктант яҙыуы менән башланды. Бер сәғәттән һуң уларға «СССР» клубы ағзалары, шулай уҡ Ишембай районы хакимиәте башлығы урынбаҫары Илшат Иҙиәтулла улы Исмәғилев ҡушылды. Тап төшкө сәғәт 12-лә 3-сө мәктәп уҡыусылары үҙ көстәрен һынаны. Сара көндөҙгө сәғәт өстә Ишембай нефть колледжы студенттары өсөн махсус ойошторолған финал этабы менән тамамланды.
Автор фотолары.
Диктант яҙҙы ишембайҙар
