Был бәйгелә Ҡаһармановтар, Ниғмәтуллиндар, Байбулатовтар һәм Әптек ауылынан Ишҡоловтар ғаиләләре көс һынашты. Һәр команданың исеме, дәртле йыры, милли кейемдәре тамашаға йәм өҫтәне.
Сараны алып барыусы башҡорт теле уҡытыусыһы Гүзәл Кашафетдин ҡыҙы мауыҡтырғыс ҡыҙыҡ һорауҙар, уйындар, төрлө ярыштар менән йәнле итеп алып барҙы.
Сәмле ярышта Ҡаһармановтар һәм Байбулатовтар ғаиләләре 1-се урынды алды һәм тарихты яҡшы белеүҙәре менән жюри ағзаларын таң ҡалдырҙы.
Кемдең ниндәй урын яулауына ҡарамаҫтан йәнле аралашыуҙан, дәртле йыр-моңдарҙан, ихлас осрашыуҙан күңелдәре булып таралышты ауыл халҡы.