Хөрмәтле Ишембай районы халҡы!

Һеҙҙе Ватанды һаҡлаусылар көнө менән ихлас күңелдән ҡотлайым! Был байрам батырлыҡты, намыҫты һәм бурысҡа тоғролоҡто кәүҙәләндерә. 23 февралдә һәр беребеҙ илебеҙҙең азатлығын һәм бойондороҡһоҙлоғон яҡлаған еңеүселәр быуынына хөрмәт күрһәтәбеҙ. Беҙ Ҡораллы Көстәр сафында намыҫ менән хеҙмәт иткән, граждандарҙың тыныслығын һаҡлаған яҡташтарыбыҙ менән ғорурланабыҙ.

Был көндө Бөйөк Ватан һуғышы ветерандарына һәм тыл хеҙмәтсәндәренә айырым рәхмәт һүҙҙәрен еткерәбеҙ. Һеҙҙең ҡаһарманлығығыҙ һәм сыҙамлығығыҙ йәштәргә һәр ваҡыт өлгө булып торасаҡ.

Бөгөн Ватанды һаҡлаусы - хәрби генә түгел. Ул янғын һүндереүсе лә, ҡотҡарыусы ла, табип та, завод хеҙмәткәре лә, ябай эшсе лә - илдең оборонаһын һәм иҡтисадын намыҫлы хеҙмәте менән нығытҡан, район һәм республика мәнфәғәттәре менән йәшәгән, ауыр ваҡытта яҡындарына ярҙамға килергә әҙер булған һәр кем.

Ишембайҙың барлыҡ Ватанды һаҡлаусыларына ныҡлы һаулыҡ, именлек, иртәгәһе көнгә ышаныс һәм Ватанға хеҙмәт итеүҙә уңыштар теләйем. Йорттарығыҙҙа һәр ваҡыт тыныслыҡ, мөхәббәт һәм татыулыҡ булһын.

Азат ИШЕМҒОЛОВ, Ишембай районы муниципаль районы хакимиәте башлығы.