Ауыл хәбәрҙәре

Мәжлескә Этҡол ауыл биләмәһенән махсус хәрби операцияла ҡатнашыусы ир-егеттәребеҙҙең ата-әсәләре, туғандары саҡырылды. Ауылыбыҙҙың имам-хатибы Рәсүл хәҙрәт һәм башҡа муллалар тарафынан ҡөрьән аяттары уҡылып, доғалар ҡылынды.

Этҡол ауыл биләмәһе хакимиәте башлығы Илгизәр Ихсанов үҙ сығышында батыр ул тәрбиәләүсе ата-әсәләргә рәхмәтен белдереп, махсус хәрби операцияла һәләк булыусы егеттәребеҙ мәңге хәтерҙә һаҡланасағын, ауылдаш ир-егеттәрҙең тиҙерәк хәрби бурыстарын үтәп, илдә тыныслыҡ булдырып, тыуған яҡҡа иҫән - һау ҡайтыуҙарын теләне. Ҡорбан ашы мәжлесенә килеүселәр ойоштороусыларға, аш-һыу әҙерләүсе ҡатын-ҡыҙҙарға рәхмәтен белдерҙе.

Изге ниәттәр, изге теләктәр. Салған ҡорбандары ҡабул булһын. Донъялар тынысланып, егеттәребеҙ иҫән-һау әйләнеп ҡайтырға яҙһын!