Хөрмәтле ишембайҙар! Ҡәҙерле мосолмандар!

Рамаҙан айы тамамланды, ул Ислам динен тотоусыларға мәңгелек рухи ҡиммәттәргә ҡушылырға, ерҙә яҡшылыҡты арттырырға, әхлаҡи камиллашыу юлына тағы бер аҙым яһарға мөмкинлек бирҙе. Православие христиандары һәм башҡа дин кешеләре менән беҙҙең район мосолмандары дуҫ һәм татыу йәшәй, улар тыныслыҡты һәм берҙәмлекте юғары баһалай. Был дуҫлыҡ һәм үҙ-ара аңлашыусанлыҡ мөнәсәбәттәре - дөйөм байлыҡ, беҙ уны һаҡларға һәм арттырырға тейеш.

Иң яҡшы маҡсаттарыбыҙ һәм хыялдарыбыҙ тормошҡа ашһын, ә Ураҙа байрамы һәр йортҡа, ғаиләгә тыныслыҡ һәм шатлыҡ килтерһен. Барығыҙға ла һаулыҡ, изгелек һәм именлек теләйем!

Азат ИШЕМҒОЛОВ, Ишембай районы муниципаль районы хакимиәте башлығы.