Ауыл хәбәрҙәре

Рәсүл хәҙрәт байрам вәғәзе һөйләгәндән һуң, ғәйет намаҙы уҡылды. Артабан байрам мәжлесе һәр кем алып килгән күстәнәстәрҙән матур табын ҡоролоп, Нәбиуллина Рәйсә, Заһиҙуллина Нәзилә, Кидрасова Гәүһәр апайҙар тарафынан бешерелгән аштар менән һыйланып, сәй эсеү менән тамамланды.

Ураҙа байрамы мөбәрәк булһын, күңелдәребеҙгә иман нуры өҫтәп, һәр беребеҙгә именлек, мәрхәмәт һәм бәрәкәт алып килһен! Донъяларыбыҙ тыныс, табындарыбыҙ мул, яҡын кешеләребеҙ һәр саҡ янда булһын! Артабан да Рамаҙан айҙарын күрергә һәм Ураҙа - ғәйетен иҫән һау ҡаршыларға насип итһен.