Ауыл хәбәрҙәре

24 март көндө Рафиҡ менән Минсара Үмәрбаевтар, Әхмәҙулла менән Нәзилә Заһиҙуллиндар уҙғарһа, кисә мәсетебеҙҙең имамы Рәсүл хәҙрәт һәм уның тормош иптәше Рәзинә Ғәрифуллиндар, Хәмит менән Рәйсә Нәбиуллиндар, Райхана Ибраһимовалар ихлас күңелдән ошо мәжлесте ойоштороп, мосолман ҡәрҙәштәренә ауыҙ астырҙы.

Ифтар мәжлесе барышында Рәсүл хәҙрәт йыйылыусыларға ураҙа тотоуҙың әжер – сауаптары тураһында һөйләне, вәғәздәр уҡыны.

Ҡояш байығас, аҙан әйтеп ауыҙ асҡандан һуң, намаҙ уҡылды. Артабан әҙерләнгән ризыҡтан, килтерелгән күстәнәстәрҙән һығылып торған бай табын артына ултырып, ифтар ҡылынды.

Киләсәктә лә шулай изге байрамдарҙа, тыныслыҡ-именлектә генә осрашырға яҙһын, тигән теләктә, табын ойоштороусыларға рәхмәттәр әйтеп таралышты ифтар мәжлесенә килгәндәр.