Аҡһаҡал яугирҙәргә мотоцикл ебәргән

Яҡташыбыҙҙың ошо аҙымы тураһында муниципалитет хакимиәтенән хәбәр иттеләр.

«Талха Әбүталип улы быуынына өлкәндәр менән бер рәттән һуғыштан һуңғы йылдарҙағы ауырлыҡтарҙы күтәрергә тура килә, шуға ул тыныс ваҡыттың ҡәҙерен яҡшы аңлай. Бындай ҡарарҙың сәбәптәрен һорашҡас, ул беҙгә ҡыҫҡа ғына итеп яуап бирҙе: «Тыуған илде һаҡлау өсөн!», – тиелә Ишембай районы хакимиәтенең социаль селтәрҙәге төркөмөндә.

Минең әле тик торған ауыр һәм ҡеүәтле ике тәгәрмәсле техникам Донбастың фронт юлдарында башҡорт яугирҙәренә нығыраҡ кәрәк, тип иҫәпләй аҡһаҡал.

«Үҙем Ватанға хеҙмәт итә алмайым инде, әммә уны һаҡлаусыларға ярҙам күрһәтерлек мөмкинлегем бар!» — тип билдәләне Талха Яҡупов.