Яҡташыбыҙҙың батырлығы - мәңгелек

Беҙҙең “Морпех” ҡушаматлы яугирыбыҙҙың ҡыйыулығы һәм батырлығы арҡаһында өс штурмлау төркөмөн, инженер-сапер бүлеген һәм диверсия-разведка төркөмөн билдәләнгән позицияларға үткәрергә мөмкин була. Был һалдаттарыбыҙға терәк пунктты һәм ҡиммәтле техник ҡорамалдарҙы баҫып алырға ярҙам итә. 

“Морпех” 2022 йылдан махсус хәрби операция зонаһында хеҙмәт итә һәм ошо ваҡыт эсендә «Бахмутты алған өсөн» миҙалы, «Бахмут ит ҡырҡыусыһы» («Бахмутская мясорубка») һәм ике тапҡыр «Батырлыҡ өсөн» миҙалына лайыҡ була. Донецк Халыҡ Республикаһында Орел йүнәлешендә БПЛА менән идара итеү пунктын һәм РЭБ (радиоэлектрон көрәш) ҡоролмалары менән урындарҙы алыу буйынса махсус задание үтәгәне өсөн яҡташыбыҙ дәүләт наградаһына – “Батырлыҡ” орденына тәҡдим ителде.

Хәҙер яҡташыбыҙ госпиталдә ята һәм һауығып ҡайтҡас, Тыуған илен яҡларға әҙер. Бындай Геройҙар менән еңеү бер һүҙһеҙ беҙҙә буласаҡ!